LOTI 
Nga sytë e vërbuar rrodhi
E nëpër faqe shkau lehtë
Pastaj prej andej brodhi
E ra diku në një fletë.
Kripa e lotit të mjerë
U tret në fletën e bardhë
S'kisha parë ndonjëherë
Një lot të tillë, të rrallë.
Loti që rrodhi i heshtur
Dhe doli nga dy sy
Ishte loti i syve të vërbër,
Loti i syve të mi.
BALLO FUNERALËSH
Me fustanin e zi jam veshur
Po shkoj në një ballo funeralësh
Një lot më rreshqet duke qeshur
Vallëzoj e gëzuar mes varresh.
Muzika në çdo çast më therret
Don Zhuanët më ftojnë të vallëzoj
Vaji në të katër anët pëlcet
Në ballon e funeraleve dashuroj.
Sa e çuditshme është kjo botë e heshtur
E veshur në të zezë e të bardhë
Në një funeral shkon duke qeshurNdërsa në dasëm shkon duke qarë.
|
